Azərbaycanlı məşqçi Novruz Əzimovun Moldova komandası ilə müqavilə bağladığını xəbər vermişdik. Belə ki, mütəxəssis sözügedən ölkənin təmsilçisi "Dinamo-Avto”nu çalışdıracaq. O, komandanı artıq məşqlərə də çıxarıb.
Əzimov Qaynarinfo-ya Moldova klubuna gedişi ilə bağlı açıqlama verib. Məşqçi sabah baş tutacaq oyuna hazırlaşdıqlarını, bu səbəbdən vaxt məhdudiyyəti olduğunu bildirib:
"Yaxşıyam, çox sağ olun. Vəziyyət belədir ki, sabah oyunumuz var. Komandanı tanımaq, onlara bələd olmaq baxımından, hazırda hər biri ilə ayrı-ayrı danışıq aparıram. Ona görə vaxt darlığı var. Sabah Bakı vaxtı ilə saat 18.00-da oyunumuz olacaq. Ona görə də dayanmaq yoxdur. Bilirsiniz ki, komanda sonuncu pillədədir. Nə olur-olsun, sabahkı matçda qələbə qazanmalıyıq. Bu səbəbdən işimiz çoxdur”.
Səbuhi Həsənov
