11 avqust 2014-cü ildə Sabirabad rayonunda, yaşadığı Xəlfəli kəndində DİN Baş Narkotiklərlə Mübarizə İdarəsinin keçirdiyi əməliyyat nəticəsində həbs olunan və 6 il azadlıqdan məhrum edilən vicdan məhbusu, AXCP üzvü Murad Ədilovun kassasiya şikayətinə 13 aprel 2016-cı ildə saat 10-30-da Ali Məhkəmədə baxılacaq.
Bu barədə vəkil Yalçın İmanov öz Facebook səhifəsində məlumat yayıb.
Vəkil bildirib ki, şikayət Şirvan Apellyasiya Məhkəməsinin 27 oktyabr 2015-cil tarixli qərarından verilib. Həmin qərarla Lənkəran Ağır Cinayətlər Məhkəməsinin 14 may 2015-ci il tarixli hökmündən verilmiş apellyasiya şikayəti təmin edilməyib: “Muradın 6 il azadlıqdan məhrum edilməsi barədə birinci instansiya məhkəməsinin hökmü dəyişdirilmədən qüvvəsində saxlanılıb”.
Qaynar.info
