Xəbər verdiyimiz kimi, bu gün Azərbaycan Milli Məclisinin sədri Sahibə Qafarova, Türkiyə Böyük Millət Məclisinin (TBMM) sədri Mustafa Şentop və Pakistan Milli Assambleyasının sədri Əsəd Qeysər Şuşa şəhərinə səfər ediblər.
Modern.az-ın məlumatına görə, parlament sədrləri Şuşaya səfərləri zamanı şəhəri gəziblər, ermənilərin işğal dövründə Şuşada törətdikləri vandalizm aktları və hazırda aparılan bərpa-yenidənqurma işləri ilə tanış olublar.
Daha sonra qonaqlar "Xan qızı” bulağına baş çəkiblər. Türkiyə Böyük Millət Məclisinin (TBMM) sədri Mustafa Şentop "Xan qızı” bulağından su içib.
