Nəsimi Rayon Məhkəməsi Respublikaçı Alternativ Hərəkatının icra katibi Natiq Cəfərlinin ev dustaqlığına buraxılması ərizəsini təmin etməyib.
Qaynarinfo.Az-a bu barədə məlumatı ReAl İdarə Heyətinin üzvü Rəsul Cəfərov verib.
Rəsul Cəfərovun sözlərinə görə, Nəsimi Rayon Məhkəməsində hakim Elman İsayev şikayəti təmin etməyib: "Məhkəməyə Natiq Cəfərlinin özü də gətirilmişdi, lakin presses qapalı keçdiyindən vəkilərdən başqa heç kim içəri buraxılmadı".
Rəsul Cəfərov qeyd edib ki, Nəsimi Rayon Məhkəməsinin bu qərarından da şikayət veriləcək: "O da təmin edilmədiyi halda, bu iş də həbs-qəti imkan tədbiri ilə bağlı Avropa Məhkəməsinə göndərilmiş işin içinə əlavə ediləcək".
Xatırladaq ki, Respublikaçı Alternativ hərəkatının icraçı katibi Natiq Cəfərli 12 avqust 2016-cı ildə Baş Prokurorluğun Ağır Cinayətlərə dair işlər üzrə istintaq idarəsinə çağırılıb. Daha sonra Nəsimi rayon Məhkəməsinə aparılan N.Cəfərlinin barəsində 4 ay müddətinə həbs qətimkan tədbiri seçilib. O, 192.1-ci (qanunsuz sahibkarlıq) və 308.2-ci ( vəzifə səlahiyyətlərindən sui-istifadə etmə ) maddələri ilə təqsirli bilinir.
ReAl Hərəkatı Natiq Cəfərlinin həbsini siaysi sifariş hesab edir.
Aydın
Qaynarinfo.Az
