"Şənbə-bazar günləri ictimai nəqliyyatın fəaliyyəti bərpa olunmalıdır".
Bunu Qaynarinfo-ya açıqlamasında professor Adil Qeybulla Bakıda şənbə-bazar günlərində nəqliyyatın işinin dayandırılması ilə bağlı qərardan danışarkən deyib. Onun sözlərinə görə, ictimai nəqliyyatda qayda-qanun yaradılsa, əhali heç bir problem yaşamaz:
"Guya ictimai nəqliyyatda adi günlərdə olan vəziyyəti bilmirlər? Nəqliyyatın şənbə-bazar günlərinin işləməməyinin heç bir məntiqi yoxdur. Camaat bundan çox əziyyət çəkir. İctimai nəqliyyatda qayda-qanun yaradılsa, bununla bağlı heç bir problem yaşanmaz. Hesab edirəm ki, şənbə-bazar günləri ictimai nəqliyyatın hərəkəti tam bərpa olunmalıdır".
Bakı Nəqliyyat Agentliyinin mətbuat xidmətinin rəhbəri Mais Ağayev isə bildirib ki, bu gün Nazirlər Kabineti Yanında Operativ Qərargah bununla bağlı qərarını açıqlayacaq:
"Biz də heç bir məlumat yoxdur. Operativ Qərargah bu gün qərarını açıqlayacaq".
Bahar Rüstəmli
