Prezident İlham Əliyev Azərbaycanın bəzi xarici ölkələrdəki səfirlərinin geri çağırılması ilə bağlı sərəncam imzalayıb.
Qaynarinfo xəbər verir ki, dövlət başçısı Abbasəli Kərəm oğlu Həsənovu Azərbaycanın Tacikistandakı, Kamil Tacid oğlu Xasiyevi Xorvatiyadakı, Həsən Dilsuz oğlu Məmmədzadəni isə Litvadakı fövqəladə və səlahiyyətli səfiri vəzifəsindən geri çağırıb.
Prezident başqa bir sərəncamla Fəxrəddin İsa oğlu Qurbanovu Azərbaycanın Xorvatiyadakı fövqəladə və səlahiyyətli səfiri, Nazlı Abdulla Məhəmmədi Azərbaycanın Cibuti Respublikasında fəxri konsulu təyin edib.
