"Meyitlərin
və əsirlərin dəyişdirilməsi texniki məsələdir”.
Qaynarinfo
xəbər verir ki, bunu politoloq Şahin Cəfərli deyib. Onun sözlərinə görə, bu
texniki prosesə şərait yaradılması üçün Rusiyanın Müdafiə naziri və ya başqa səlahiyyətlisi
də təşəbbüs göstərə bilərdi:
"Şəxsən
Putinun təşəbbüs göstərməsi və Xarici İşlər nazirlərini Moskvaya dəvət etməsi o
deməkdir ki, Rusiya prezidenti öz şəxsi nüfuzunu ortaya qoyur. Ona görə də Azərbaycanın
müvəqqəti atəşkəs təklifinə və dəvətinə yox deməsi asan deyil. Üstəlik, Azərbaycan
prezidenti problemin həllində Rusiya və Türkiyəyə güvəndiyini söylədiyi bir
vaxtda. Bu səbəbdən hümanist akt kimi Azərbaycanın müvəqqəti (bir neçə saatlıq
da ola bilər, 1-2 günlük də) atəşkəsə razılıq verməsi mümkündür”.
Politoloq
hesab edir ki, bununla paralel, atəşkəsin tam bərpası, çağırışları və cəhdləri
də davam edəcək:
"Rusiya
Azərbaycanın hərbi əməliyyatlarına həm də (digər səbəblərlə birlikdə) ona görə
göz yumur ki, hansısa mərhələdə arbitr rolunu oynamaq üçün təkrar araya girə
bilsin. Rusiya açıq şəkildə tərəf tutsa, bir vasitəçi kimi öz missiyasını öz əli
ilə bitirmiş olar. Onsuz da Azərbaycanda ciddi nüfuzu yoxdur. Təsir gücü də
getdikcə zəifləyir. Halbuki onun nizamlanma prosesində öz lider rolunu saxlaya
bilməsi, gələcəkdə münaqişənin siyasi həlli zamanı öz maraqlarını qoruması,
bura sülhməramlılar göndərə bilməsi üçün Azərbaycanın razılığına ehtiyac var.
Eyni zamanda, Rusiya Qərbə nümayş etdirmək istəyirdi ki, müharibəni dayandıra
bilən yeganə güc odur”.
Bahar
Rüstəmli
