Ötən gün Avropa Liqası və Konfrans Liqasında keçirilən oyunlardan sonra UEFA-nın reytinq siyahısı yenilənib.
Qaynarinfo-nun məlumatına görə, Azərbaycanın da reytinq xalları artıb. "Qarabağ"ın Sloveniya təmsilçisi "Olimpiya" üzərindəki 2:0 hesablı qələbəsi ölkəmizin xallarına 0,250 əmsal əlavə edib. Bununla da, cari mövsümdəki ümumi qazancımız 2,500 əmsal olub.
Son beş mövsümdəki ümumi xalı 16,750-yə çatan Azərbaycan reytinq sıralamsında 29-cu yerdədir.
UEFA reytinqinə 89,053 xalla İngiltərə başçılıq edir. İspaniya (75,927) ikinci, İtaliya (71.569) isə üçüncü pillədədir.
Səbuhi Həsənov
