"... Sevməyə, darıxmağa ehtiyac yoxdur" - ŞEİR

Tovuzda "N" saylı hərbi hissədə qulluq edən şair Tural Balabəylidən bir şeir...

Ağlamaq üçün

gözdən axan yaşa ehtiyac yoxdur;

İnsan gülərkən də ağlaya bilər...

Sevmək üçün 

gözələ ehtiyac yoxdur;

çirkin üzdə gözəl bir ruh, 

qəlbi qəlbə bağlaya bilər...

Darıxmaq üçün

ayrılığa ehtiyac yoxdur;

darıxılan yaxındaykən

həsrət çəkmək elə darıxmaqdır...

Yaşamaq üçün

ağlamağa,

gülməyə,

sevməyə, 

darıxmağa

ayaq tutub gəzməyə ehtiyac yoxdur;

bir qəlbə dolmaq, 

bir qəlbdə yuva salmaq, 

xatırlanmaq

elə yaşamaqdır...