"İctimai Palata təcili toplansın"

İctimai Palatanın Koordinasiya Şurasının bir qrup üzvü təşəbbüslə çıxış edib. 

Xalq Partiyasının sədri Pənah Hüseyinin də daxil olduğu həmin qrup İP KŞ-nin dönəm sədri İsa Qəmbərdən tələb edirlər ki, qurumun təcili iclası çağırılsın. Bu barədə musavat.com-a İP rəhbərlərindən biri məlumat verib. O, deyib ki, təşəbbüsçülər Milli Şura formatında baş verən son hadisələrdən və bütövlükdə qarşıdakı prezident seçkilərinin taleyindən dərin narahatlıq keçirir. Təşəbbüsçülər hesab edirlər ki, İP-i təmsilən Milli Şuranın qurulmasında iştirak edən siyasi liderlərin ciddi yanlışlığı nəticəsində demokratik düşərgənin maraqları zərbə altına düşmüşdür. Bu səbəbdən  də uzun müddətdir yığışmayan İP KŞ-nin, daha sonra isə qurumun sessiyasının çağırılması zərurəti yaranıb, deyə mənbəmiz vurğulayır.