Topaz Premyer Liqasında XXXI tura yekun vurulub. Qaynar.info хəbər verir ki, ikinci oyun günündə iki matç baş tutub.
Günün ilk oyununda "Bakı" "Xəzər Lənkəran"ı qəbul edib. 3 qolun vurulduğu oyunda meydan sahibləri qələbə qazanıb - 2:1. Hesabı 17-ci dəqiqədə Nurlan Novruzov penaltidən açıb. Hücumçu 5 dəqiqə sonra dublunu rəsmiləşdirib. Bununla da Premyer Liqanın bombardiri qollarının sayını 15-ə çatdıraraq əsas rəqibi Draqan Çeranı 3 top geridə qoyub. "Xəzər Lənkəran"ın təsəlli qoluna 55-ci dəqiqədə Sadio Tounkara imza atıb. 60-cı dəqiqədə Qeyrət Əliyev meydandan qovularan "Bakı"nı azlıqda qoysa da, qonaqlar say üstünlüyündən yararlana bilməyib.
Tura mərkəzi oyunla - "Qəbələ" - "Qarabağ" matçı ilə yekun vurulub. İki qolun vurulduğu oyun 1:1 hesabı ilə yekunlaşıb. 55-ci dəqiqədə fərqlənən Reynaldo Silva "Qarabağ"ı hesabda önə keçirib. "Qəbələ" isə buna 90-cı dəqiqədə Cavid Hüseynovun penalti qolu ilə cavab verib. Beləliklə, "Qəbələ"nin 8 oyunluq qələbə seriyası qırılıb. "Qarabağ" növbəti turda çempionluğunu elan edə bilər. Bunun üçün "İnter" məğlub olmalıdı.
Qeyd edək ki, turun iki oyunu dünən keçirilib. "İnter" "Simurq"u 3:2 hesabı ilə yenib, "Neftçi" - "Sumqayıt" matçında qalib müəyyənləşməyib - 2:2. "Araz Naхçıvan" Premyer Liqadan çıхdığından AZAL bu turda istirahət edib.
Premyer Liqa
XXII tur
2 may
Bakı - Xəzər Lənkəran 2:1
Qollar: Nurlan Novruzov, 17-pen; 22 - Sadio Tounkara, 55.
Qəbələ - Qarabağ 1:1
Qol: Cavid Hüseynov, 90-pen - Reynaldo Silva, 55.
№ | Klub | O | Q | H/H | M | T/F | X |
1 | Qarabağ | 29 | 19 | 7 | 3 | 48-25 | 64 |
2 | İnter | 28 | 15 | 11 | 2 | 47-15 | 56 |
3 | Neftçi | 29 | 13 | 8 | 8 | 37-28 | 47 |
4 | Qəbələ | 29 | 13 | 8 | 8 | 40-34 | 47 |
5 | Simurq | 29 | 10 | 5 | 14 | 37-34 | 35 |
6 | AZAL | 28 | 8 | 8 | 12 | 29-40 | 32 |
7 | Xəzər Lənkəran | 28 | 7 | 6 | 15 | 33-43 | 27 |
8 | Sumqayıt | 28 | 5 | 10 | 13 | 27-39 | 25 |
9 | Bakı | 28 | 3 | 7 | 18 | 19-59 | 16 |
Bombardirlər | NurlanNovruzov (Bakı)- 15. Draqan Çeran (Simurq) - 12. Nikolas Kanales (Neftçi), CavidHüseynov (Qəbələ) - 11. Məhəmməd Qurbanov (Sumqayıt), Reynaldo Silva(Qarabağ) - 10. Mikel Alvaro (İnter) - 9. Freddi Mombonqo (AZAL), JuniorNildo (İnter) - 8. |
Fanat.az
