Milli Məclisin deputatı İlham Əliyev deputat həmkarı olan Bəxtiyar Əliyevi tənqidi çıxış etməyə təhrik etməsi barədə bəzi mətbu orqanlarda yayılan məlumatlara qısa münasibət bildirib.
Deputat İ.Əliyev Publika.Az-a açıqlamasında deyib: “Mən Bəxtiyar Əliyevə çıxış üçün heç bir təlimat və ya göstəriş verməmişəm. Bu barədə yayılanlar uydurma və cəfəngiyyatdır”.
Xatırladaq ki, AzPolitika.info saytı belə bir xəbər yazıb: “Deputat Bəxtiyar Əliyevin gömrüklə bağlı tənqidi çıxışı deputat İlham Əliyevin sifarişi ilə meydana gəlib. Sonradan Bəxtiyar Əliyev öz çıxışını geri oxumağa məcbur olub”.
Xatıladaq ki, deputat İlham Əliyev Prezident Administrasiyasının rəhbəri Ramiz Mehdiyevin kürəkənidir.
Qaynar.info
