"Nəzərə alsaq ki, BMT Təhlükəsizlik Şurasının 5 daimi üzvü arasında Laçın dəhlizinin blokadasına dərhal son qoyulması ilə bağlı konsensus olub, Ermənistan nümayəndəsi ciddi sənəd olacaq qətnamənin qəbuluna nail olmalı idi".
Qaynarinfo xəbər verir ki, bu barədə Ermənistan Milli Konqresinin sədr müavini Levon Zurabyan yerli KİV-ə müsahibəsində bildirib.
Onun fikrincə, bu, Laçın dəhlizi məsələsini beynəlxalq hüququn elementinə çevirəcək və uzunmüddətli perspektivdə mühüm təsir göstərəcək: məcburi olan yeganə real beynəlxalq sənədə istinad etmək olardı.
"Lakin Ermənistan hakimiyyəti nədənsə buna getmədi. "Niyə edilmədi" sualına indiyədək cavab verilməyib. Səbəb hakimiyyətin peşəkarlığı zəifliyi ola bilər, bu da həqiqətdən çox da uzaq deyil. Səbəb həm də onunla bağlı ola bilər ki, hakimiyyət müəyyən ölkələrlə razılığa gəlib və bu ölkələr belə təzyiqlərin Azərbaycan üçün çox ağır olacağını bildirib, ola bilsin ki, məsələni başqa cür həll edəcəklərinə söz veriblər. Amma biz hələ də heç bir həll yolu görmürük, ona görə də mən birinci versiyaya meyilliyəm”, deyə Zurabyan vurğulayıb.
O, əmin olduğunu bildirib ki, beynəlxalq birliyin Azərbaycana və Rusiyaya qarşı istifadə edə biləcəyi rıçaqlar var. Həm ABŞ, həm də Avropa ölkələrində bunlar var.
Erməni Milli Konqresinin sədr müavini izah edib ki, Qərb Azərbaycanla iqtisadi sanksiyalar və müqavilələrdən imtina ilə hədələyə bilər, lakin bu baş vermir, çünki daha dərin maraqlar var, çünki Qərb enerji bazarında alternativ tərəfdaşlar axtarır və belə bir tərəfdaş Bakı ola bilər.
"Rusiya da öz növbəsində Azərbaycanla sərt qarşıdurmaya getmək istəmir, gedə bilməz, çünki Rusiya Federasiyası bunun hərbi toqquşmaya səbəb ola biləcəyini başa düşür. Bu isə bu gün Ukrayna hadisələri fonunda Rusiya üçün böyük əhəmiyyət kəsb edən Türkiyə ilə münaqişəyə gətirib çıxaracaq. Biz həm Rusiyadan, həm də Qərbdən narazı ola bilərik, amma dünyada müttəfiqimizin və milli məsələlərimizlə bağlı məsələləri bizimlə həll etməyə hazır bir qüvvənin olmamasının səbəblərini anlamaq lazımdır. Bunlar hakimiyyətin qeyri-adekvat siyasətinin nəticəsidir. Ciddi etimad kreditinə malik olan Paşinyan güclü mövqedən müharibə etmədən ciddi qərarlar verə bilərdi. 5 rayondan imtina edib ora sülhməramlılar yerləşdirmək mümkün idi. Belə olan halda, təhlükəsizlik baxımından vəziyyət bizim üçün indikindən daha əlverişli olardı”, deyə Zurabyan əlavə edib.
Nizami Bağırov
