Avropa İttifaqına (Aİ) üzv ölkələr Rusiyaya qarşı dördüncü sanksiyalar paketi ilə bağlı razılığa gəlib.
Qaynarinfo xəbər verir ki, bu barədə Aİ Şurasına sədrlik edən Fransanın "Twitter" hesabında məlumat verilib. Rusiyanın Ümumdünya Ticarət Təşkilatındakı (ÜTT ) "ən əlverişli ölkə" ticarət statusu ləğv ediləcək.
Həmçinin Belarusun ÜTT-yə üzvlüklə bağlı müraciətinin baxılması dayandırılacaq. Qeyd olunub ki, sanksiyalar Rusiya iqtisadiyyatının müxtəlif sektorlarına və individual şəxslərə tətbiq olunacaq.
