Xəbər lenti

Şəhriyar Məmmədyarov Aronyana armageddonda uduzdu
İdman00:00 19.11.2026

Şəhriyar Məmmədyarov Aronyana armageddonda uduzdu

Google alqoritminə buraxmayın, xəbəri özünüz seçin!Xəbəri Google yox, siz seçin!Əlavə et

Azərbaycan şahmatçısı Şəhriyar Məmmədyarovun Budapeştdə keçirilən “Total Chess World Championship Tour Pilot 2026” turnirində Levon Aronyanla qarşılaşması yekunlaşıb.

Qaynarinfo xəbər verir ki, 13-16-cı yerlər uğrunda keçirilən duelin qalibi armageddon partiyasında müəyyənləşib. Ağ fiqurlarla oynayan təmsilçimiz ABŞ şahmatçısına məğlub olub.

Məmmədyarov noyabrın 17-də keçirilən ilk oyun gününü 11:9 hesablı qələbə ilə tamamlasa da, ikinci gündə 6.5:13.5 hesabı ilə uduzub.

Şəhriyar bu gün dörd blits partiyasında bir heç-heçə edib, üç dəfə məğlub olub. İki rapid görüşündə isə bir heç-heçə və bir məğlubiyyət qeydə alınıb. Günün sonuncu, sürətli klassika partiyası heç-heçə başa çatıb.

Reqlamentə əsasən, hər günün nəticəsi ayrıca hesablandığından tərəflərin bir gün qalib gəlməsi həlledici armageddon partiyasını zəruri edib. Bu görüşdə üstün olan Aronyan 13-14-cü yerlər uğrunda oynamaq hüququ qazanıb.

Məmmədyarov isə noyabrın 19-20-də 15-16-cı yerlər uğrunda almaniyalı Vinsent Keymerlə qarşılaşacaq.