Fələstinlilərin
işi haqq işidir, ancaq İsraillə mübarizədə istifadə etdikləri metodlar şübhəlidir.
Qaynarinfo
xəbər verir ki, bunu Səudiyyə Ərəbistanının keçmiş səfiri (1983-2005) Şahzadə Bəndər
bin Sultan deyib. Görünən odur ki, krallıq sülaləsinin nümayəndəsi ölkəsinin
hazırkı səlahiyyətlilərinin razılığı ilə Fələstinin aparıcı qrupları Fəth və
HƏMAS-ı tənqid edib. Bu haqda "NewsRu İsrail” yazıb.
"Fələstin
iddiası ədalətli, lakin onun müdafiəçiləri tamamilə uğursuzdur. İsrailin
iddiası haqsızdır, lakin müdafiəsi uğur nümunəsidir. Əslində son 70-75 ildəki
hadisələrin (yəni İsrailin dövlətçiliyi elan edildiyi gündən belə - Qaynarinfo)
mahiyytəti budur”, - deyə keçmiş elçi izah edib.
O, Fələstin
Azadlıq Təşkilatının (FAT) mərhum lideri Yasir Ərafatın İraqın diktatoru Səddam
Hüseynlə onun Küveyt ərazilərini işğal edərkən "qardaşlaşması" Küveyt
kimi Fələstinin açıq dəstəkçisinin özlərinə qarşı çevrmiş ola biləcəyini qeyd
edib.
Şahzadə
qeyd edib ki, 20-ci əsrin əvvəllərində də buna bənzər nümunələr olub. 1936-cı
ildə Qüds müftisi Amin əl-Hüseyni nasistlərlə ittifaqa girərək fələstinliləri
İngilis taxt-tacına qarşı üsyana qaldırıb (Fələstin o zaman İngiltərə
Krallığının səlahiyyətində olub). Qiyam yatırılıb və Hitlerlə görüşən
ilahiyyatçı müharibə cinayətkarları sırasına düşüb.
İndi
Bin Sultana görə, Fələstin indi də beynəlxalq aləmdəki müttəfiqləri ilə eyni dərəcədə
pis rəftar edir. İranın Suriyada, Yəməndə müharibə ilə daha çox məşğul
olduğunu, orada Livanın "Hizbullah" təşkilatını dəstəklədiyini, Türkiyəninsə
Əmirliklərin İsrail ilə barışmasından sonra "Fələstinlilərə dəstək əlaməti
olaraq BƏƏ-dən səfirini geri çağırdığını" qeyd edib. Şahzadəyə görə, FƏTH
və HƏMAS-ın daxili çəkişmələrə son qoymaları və İsrail ilə sülh müqavilələri
imzaladığına görə Bəhreyn və BƏƏ-ni tənqid etməmələri daha yaxşı olardı.
Alpər
