Abşeron rayonunun Xırdalan şəhərində fəaliyyət göstərən "Sofra” restoranında oğurluq hadisəsi baş verib.
Qaynarinfo-nun əldə etdiyi məlumata görə, restorandan 1800 manat pul oğurlanıb.
Hüquq-mühafizə orqanlarına müraciətdən sonra oğurluqda şübhəli bilinən Müşfiq Quliyev (şərti) saxlanılıb. İlkin araşdırmalar zamanı onun Xırdalan şəhərində ümumi dəyəri 7450 manat olan 4 ədəd moped oğurladığı məlum olub.
Abşeron Rayon Məhkəməsində Cinayət Məcəlləsinin 177.2.2 və 177.2.3-cü maddələri ilə mühakimə olunan Müşfiq Quliyev 2 il 2 ay müddətinə azadlıqdan məhrum edilib.
Məhkəmə zamanı o verilmiş ittiham üzrə özünü təqsirli bilib. Müşfiq Quliyev bildirib ki, narkotik aludəçisi olduğu üçün pula ehtiyacı olub və bu baxımdan, oğurluq etmək qərarına gəlib.
Seyid
Şərhlər