"Sosial
şəbəkələrdə Azərbaycan ordusunun əməliyyatlarına xələl gətirəcək, müdafiə
imkanlarına təhlükə yaradacaq hər hansı bir video paylaşmaq, məlumatlar yazmaq
yolverilməzdir”.
BunuQaynarinfo-ya açıqlamasında hərbi ekspert Ramil Məmmədli sosial şəbəkələrdə cəbhə
bölgəsindən qadağan olunan videogörüntülərin paylaşılmasından danışarkən deyib.
O bildirib ki, sosial şəbəkələrdə düşmən tərəfindən izlənildiyimiz vaxt buna
yol vermək olmaz:
"Rəylərə
kimi oxuyurlar. Bu baxımdan belə məsələlərə diqqət yetirmək lazımdır. Hətta ən
sevindirici xəbər olsa belə, onu paylaşmaq, yayılmasına yol vermək olmaz. Azərbaycan
vətəndaşlarına hələ sentyabrın 27-dən də əvvəl, yəni Tovuz hadisələrində hərbi əməliyyatların
getdiyi, cəbhə xəttinə yaxın olan ərazilərdə çəkiliş aparmaq, xüsusi ilə də hərbi
obyektlərin, hərbiçilərin, maşın karvanlarının çəkilişinin aparılması və sosial
şəbəkələrdə paylaşılmasının qadağan olunduğu bildirmişdilər. Lakin hələ də bəzi
şəxslər belə hərəkət etməklə hərbiçilərin, ölkənin təhlükəsizliyinə və müdafiəsinə
xələl gətirəcək addımlar atırlar. Əlbəttə, biz bilirik ki, kim olur-olsun, Azərbaycanı
sevir, vətənə, torpağına sadiqdirlər və Azərbaycan Ordusunun tezliklə qalib gəlməsini
arzulayırlar. Lazım gələndə vətəndaşlar da bu yolda addımlar atırlar. Amma
vacib olan məsələlər var”.
Ramil
Məmmədli bildirib ki, hərbi obyektlərin, hərbiçilərin foto görüntülərini çəkib
paylaşmaq yox, cəbhə bölgəsində gedən zaman hərbi qulluqçulara, orada
yaşayanlara mənəvi, yeri gələndə isə maddi dəstək olmaq daha yaxşıdır:
"Hər
bir insan belə hərəkət edərsə, bu, daha doğru olar. Bu, bütün Azərbaycana
aiddir. Hər bir Azərbaycan vətəndaşı bilməlidir ki, döyüşlər gedir, müharibə
dövründə yaşayırıq”.
Bahar
Rüstəmli
