Sumqayıtda yanğın hadisəsi qeydə alınıb.
Qaynarinfo.az Fövqəladə Hallar Nazirliyinin (FHN) saytına istinadən bildirir ki, şəhərin çoxmərtəbəli yaşayış binasının 9-cu mərtəbəsində vətəndaşa məxsus ümumi sahəsi 75 kv.m olan 3 otaqlı mənzilin 1 otağının yanar konstruksiyaları və ev əşyaları 20 kv.m sahədə yanıb.
Yanğın zamanı 1 nəfər tüstüdən zəhərlənib. Yanğınsöndürənlər tərəfindən binadan 10 nəfər sakin təxliyə olunub. Mənzilin qalan hissəsi yanğından mühafizə olunub.
Yanğın saat 02:10-da söndürülüb.
Qaynarinfo.az
