Türkiyənin hakim Ədalət və İnkişaf Partiyasının (AKP)
parlamentdəki qrup rəhbəri, millət vəkili Cahit Özkan Avropa Parlamentində (AP)
Türkiyə-Avropa İttifaqı Birgə Parlament Komissiyasının həmsədri Sergey
Laqodinski ilə görüşüb.
APA-nın yerli bürosundan verilən məlumata görə, Cahit Özkan
Sergey Laqodonski ilə söhbəti zamanı ona iradlarını bildirib: "Türkiyəni
günahlandırırsınız, Türkiyə əleyhinə təbliğat aparırsınız, sonra da müzakirə
aparaq deyirsiniz”.
O, Laqodonskinin diqqətinə bir sıra məsələləri çatdırdığını
deyib: "Bildirdim ki, Türkiyəyə qərəzlə baxılması düzgün deyil. Problemin həlli
davranışı öncədən bəlli isə, oradan bir nəticə gözləmək lazım deyil”.
Millət vəkilinin sözlərinə görə, Avropa Parlamentində Türkiyəyə
düşmən münasibətin olmasından Laqodinski də narahatlığını ifadə edib.
Cahit Özkan deyib ki, Avrupa Birliyinin Türkiyəyə nə qədər
ehtiyacı varsa, Türkiyənin də Avropa Birliyinə o qədər ehtiyacı var:
"Avropa
Birliyi regionda iqtisadi-siyasi-hüquqi sabitliyi təmin etmək istəyirsə, bunun
üçün Türkiyə tam da bir açar ölkədir. Bu baxımdan Türkiyə çox böyük əhəmiyyətə
malikdir”.
