Moskva Satira Teatrının aktrisası, RSFSR-in xalq artisti Nina Arxipova dünyasını dəyişib.
Qaynarinfo.az report-a istinadən bildirir ki, bu barədə Moskva Satira Teatrının direktoru Məmməd Ağayev deyib.
Aktrisa ilə vida mərasimi aprelin 27-də Satira Teatrında keçiriləcək.
Xatırladaq ki, 95 yaşlı aktrisa 65 il Moskva Satira Teatrında çalışıb. Teatrın səhnəsində 100-dən çox obraz canlandırıb.
Nina Arxipova 1943-1951-ci illərdə Vaxtanqov adına Teatrda çalışıb.
Tamaşaçılar akrtisanı ikinci dərəcəli rolların mahir ifaçısı kimi tanıyıb. Nina Arxipovaya şöhrət gətirən rolu 1974-cü ildə "Oyan və oxu" televiziya tamaşasında ifa etdiyi obraz olub.
Nina Arxipova "Yeralaj" kinojurnalında maraqlı obrazlar ifa edib.
Qeyd edək ki, mayın 1-də Moskva Satira Teatrı Nina Arxipovanın 95 illik yubileyi münasibətilə tədbir keçirməliydi.
Qaynarinfo.az
