"Eurovision 2014” təmsilçimiz Dilarə Kazımova avtomobil qəzası keçirib.
Qaynarinfo lent.az xəbər verir ki, ötən gün axşam saatlarında sərnişin avtobusun sürücüsü sürət həddini keçərək, dairədə idarəetməni itirib. Bundan sonra avtobus yolun kənarında duran Dilarə Kazımovanın "Audi” markalı avtomobilinə çırpılıb. Nəticədə müğənninin avtomobil əzilib. Təhlükəsizlik kəmərini taxan ifaçı xəsarət almasa da, köməkçisinin başı zədələnib. Onu xəstəxanaya aparıblar.
Qeyd edək ki, hadisə Musabəyov parkı yaxınlığında baş verib. Qəzadan dərhal sonra əraziyə Dövlət Yol Polisi əməkdaşları və sığorta şirkətinin işçiləri gəlib.
