Bakının Səbail rayonu ərazisində, jurnalistlərin binasının yaxınlığında hakim Yeni Azərbaycan Partiyasının (YAP) yeni mərkəzi qərargahı inşa olunub.
"Qaynarinfo" xəbər verir ki, Milli Məclisin Səbaildən seçilən deputatı, YAP Səbail rayon təşkilatının sədri Şəmsəddin Hacıyev Modern.az-a məlumatı təsdiqləyib.
“Yeni inşa olunan binanın açılışı bu ilin axırlarında baş tutacaq. Amma hansı ayda və neçəsi onu deyə bilmərəm. Bu barədə mənim məlumatım yoxdur”.
Qeyd edək ki, YAP-ın hazırkı mərkəzi qərargahı “Sahil” bağı ilə üzbəüzdə yerləşir.
Qaynarinfo.Az
