Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Yarımmarafonun qaliblərinə inək, vəhşi balıq, qaz və xoruz hədiyyə ediləcək
Çinin şimal-şərqində yerləşən Cilin əyalətində təşkil olunan yarımmarafon, iştirakçıların diqqətini çəkmək və yerli məhsulları tanıtmaq məqsədilə qeyri-adi mükafat seçimi ilə diqqət çəkib. Birinci yerə inək, digər iştirakçılara isə vəhşi balıq, qaz və ya xoruz hədiyyə ediləcək.
Qaynarinfo xəbər verir ki, bu barədə "Asia One" yazıb.
Dekabrın 29-da baş tutacaq "Nonqan Taipinçi Buz və Qar" yarımmarafonunun təşkilatçıları "WeChat" sosial platformasında paylaşım edərək, kişilər və qadınlar arasında birinci yeri tutanlara inək veriləcəyini elan ediblər. Həmin inək 6,000 yuan (təxminən 1,109.40 Sinqapur dolları) dəyərində pula dəyişdirilə bilər.
İkinci yerin sahiblərinə Taipin gölündən vəhşi balıq, digər qaliblərə isə göldən götürülmüş qaz, ördək və xoruz veriləcək. Digər iştirakçılara 10 kiloqram düyü və ya buğda mükafat olaraq təqdim ediləcək.
"Böyük mükafatlar gəlir və çempionlar çox qürur duyur. Təşkilat komitəsi tam səmimiyyətlə iş görür", deyə paylaşımda qeyd olunub.
Bu elan Çində sosial şəbəkələrdə geniş yayılıb və "Weibo" platformasında ən çox müzakirə olunan mövzulardan birinə çevrilib. Bir istifadəçi zarafatla yazıb: "Birinci yeri tutan xaricdə yaşayırsa, mal-qaranı daşımaq üçün sürətli qatar bileti almaq lazımdırmı?".
Yarış Cilin əyalətinin kənd təsərrüfatı üzrə böyük istehsalçı olan Nonqan mahalındakı "Wetland Park"da keçiriləcək.
Son illərdə Çində marafon qaçışı sürətlə populyarlıq qazanıb. Çin Atletika Assosiasiyasına görə, 2023-cü ildə ölkədə ümumilikdə 622 marafon və yarım marafon təşkil olunub. Hər gün orta hesabla iki tədbir baş tutub. Bundan əlavə, əhalisi bir neçə yüz min nəfər olan kiçik şəhər və rayonlar da müxtəlif qaçış tədbirləri təşkil etməyə başlayıb.
Çin sosial şəbəkələrində marafon tədbirləri, idman geyimləri, avadanlıqları, məşq və pəhriz məsləhətləri barədə çoxsaylı şərhlər mövcuddur. Noyabrın 2-dən 3-nə qədər olan müddətdə Çində 30-dan çox marafon və yol qaçışı tədbiri keçirilib və bu yarışlarda təxminən 400,000 nəfər iştirak edib. Bu barədə rəsmi "Xinhua" xəbər agentliyi ötən həftə məlumat yayıb.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər