Yanvarın 22 və 23-də Biləcəri-Binəqədi xətti üzrə hərəkət edən 170 nömrəli sərnişin avtobuslarında yanğın baş verib.
AzNews.az xəbər verir ki, yanğın səhər 8.30 radələrində qeydə alınıb.
Hər iki yanğın zamanı avtobusda 60-70-ə yaxın şərnişin olub.
Avtobus sürücülərinin sözlərinə görə, hadisəyə nəqliyyat vasitəsinin texniki nasazlığı səbəb olub. Yanvarın 23-də 170 nömrəli sərnişin avtobusunda təkrar yanğın hadisəsi ilə üzləşən sərnişinlərlə sürücü arasında insident yaşanıb.
Sürücü onu ittiham edən sərnişinlərdən özünü müdafiə edərək: “Mən nə edim? Hamı bilir ki, 170 nömrəli avtobuslar texniki cəhətdən nasazdır.
Bunu dəfələrlə desək də, mənası yoxdur. Təzə avtobuslar verilməlidir. Bu avtobuslarda günlərin birində dəhşətli hadisə baş verəcək”, - deyə bildirib.
Qaynar.info
