Azərbaycanda gənc alimlərin mənzil problemləri məsələsinin həll olunması istiqamətində xüsusi sərəncamın imzalanması gözlənilir.
APA-nın xəbərinə görə, bunu Azərbaycan Milli Elmlər Akademiyasının prezidenti Akif Əlizadə gənc alimlərin ümumi yığıncağında deyib.
O bildirib ki, akademiyanın prezidenti olaraq prezident İlham Əliyevlə görüşərək alimlərin mənzil məsələsi müzakirə edib.
Onun sözlərinə görə, prezident İlham Əliyev də alimlərimizin mənzil problem ilə bağlı təklifə müsbət yanaşıb: “Hazırda Prezident Administrasiyasında bu məsələyə baxılır. Bununla bağlı yaxın gələcəkdə xüsusi sərəncamın imzalanması gözlənilir. Akademiyanın özünün və ya ona məxsus olan bəzi institutların torpaqlarında gənc alimlər üçün 3-ə yaxın bina inşa oluna bilər. Bu istiqamətdə hazırda müvafiq işlər görülür”.
