“28 May” belə olacaq - FOTOLAR

Stansiyanın qarşısında hava və vaxt göstəricilərini bildirən elektron lövhələr quraşdırılıb

2011-ci ildə Azərbaycan Prezidentinin imzaladığı dövlət proqramına uyğun olaraq, yenidən qurulan “28 May” stansiyasının platformasından sonra əsas giriş-çıxış pavilyonunda da son tamamlanma işlərinə başlanılıb. Platforması kimi, tamamilə yeni görkəm alacaq yuxarı vestibüldə də müasir dövrün tələblərinə uyğun sistem və avadanlıqlar quraşdırılır, eyni zamanda, dizayn işlərində də texniki vasitələrdən istifadə olunur. 

Qaynar.info Publika.az-a istinadən xəbər verir ki, idarə rəisinin müavini və tikilən metropoliten müdiriyyətinin rəhbəri Arif Rəsulov qeyd edir ki, “28 May” metrostansiyasının sərnişin daşımasındakı rolu və bu xüsusda stansiyanın metro xətlərinin fəaliyyətindəki həlledici qovşaq olması nəzərə alınaraq, rekonstruksiya zamanı sərnişinlərin maraqları naminə qərarlar qəbul edilmişdir:
“Bir sıra texniki və təmir işləri də son tamamlama mərhələsindədir”.

Qeyd edək ki, metrostansiyada bir sıra yeniliklər də tətbiq edilib. Belə ki, stansiyanın qarşısında hava və vaxt göstəricilərini bildirən elektron lövhələr quraşdırılıb.

Qaynar.info