“Bir il öncə rəhmətə gedən atam da mənim hüquqşünas olmağımı istəyirdi”.
Bunu ANS PRESS-ə açıqlamasında III qrup üzrə keçirilən qəbul imtahanında maksumum nəticə-700 bal toplayan Məhəmməd İsmayılov deyib. Bakı şəhər Nərimanov rayonu 258 saylı məktəbin yetirməsi olan abituriyent imtahandan belə nəticə göstərəcəyini gözləmədiyini deyir:
“Bakıda anam və bacımla birgə yaşayıram. Bir il öncə rəhmətə gedən atam da sağ olsaydı bu uğuruma sevinərdi. O hüquq işçisi idi və mənim də hüquqşünas olmağımı istəyirdi. Mən sınaqlarda 670-680 bal toplayırdım. Düzü bu nəticəni göstərəcəyimə inanmırdım.”
Hüquqşünas olmaq istəyən Məhəmməd İsmayılovun sözlərinə görə, hazırda Bakı Dövlət Universiteti ilə Prezident yanında İdarəçilik Akademiyası arasında seçim edə bilməyib.
