Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
ABŞ-da son 15 ildə cəmi dörd dəfə görünən şəlalə: Bu necə mümkündür?
Qanlok şəlaləsi ABŞ-da qeyri-adi təbiət hadisəsi kimi tanınır, çünki son 15 il ərzində burada su yalnız dörd dəfə axıb. O, Yuta ştatında, Qreater Zion bölgəsində yerləşən Qanlok Dövlət Parkında yerləşir və pas rəngli kanyonları, möhtəşəm qayalıq formaları və geniş qum təpələri ilə tanınır.
Qaynarinfo xəbər verir ki, bu barədə "Daily Mail" yazır.
Lakin şəlalədən axan su çox nadir hadisə olduğu üçün ziyarətçilər illərlə heç bir su axını görməyə bilər. Bunun səbəbi şəlalənin tamamilə yuxarıda yerləşən su anbarından asılı olmasıdır. Sahəsi təxminən 107 hektar olan su anbarı dolduqda artıq su bənddən daşaraq qırmızımtıl qayalar üzərindən aşağı axır və şəlaləni yaradır.
"Zümrüd yaşıl suyun və ağ köpüyün qırmızı qayalarla yaratdığı kəskin kontrast bu nadir mənzərəni görmək üçün ölkənin müxtəlif yerlərindən gələn ziyarətçiləri cəlb edir", deyə materialda qeyd olunur.
Son 30 ildə yalnız bir neçə dəfə aktiv olan Qanlok şəlaləsi 2023, 2024 və 2026-cı illərdə ardıcıl olaraq güclü yağıntılar səbəbilə yenidən axmağa başlayıb.
"Şəlalə adətən qışın sonu və ya yazın əvvəlində bir neçə həftə ərzində görünür. Bu il isə fevralın sonlarında axmağa başlayıb və mart boyu fasilələrlə davam edib", deyə "Daily Mail" bildirir.
Park məlumatlarına görə, su axınının ən güclü olduğu vaxt adətən günortadan sonra müşahidə edilir. Bu nadir təbiət hadisəsi böyük turist axınına səbəb olub. Yuta park rəsmiləri martın ilk doqquz günündə təxminən 10 min ziyarətçi gəldiyini bildiriblər. Ötən il isə şəlalə quruduğu üçün bütün mart ayı ərzində cəmi 12 min ziyarətçi qeydə alınıb.
Şəlaləni yaxından görmək istəyənlər üçün təxminən 30 dəqiqəlik qısa yürüş marşrutu mövcuddur. Park əməkdaşları isə qayaların sürüşkən ola biləcəyi barədə xəbərdarlıq edərək suya tullanmağın və ya içəri girməyin təhlükəli olduğunu vurğulayırlar.
Oxşar məlumatlara görə, İngiltərədə də vaxtaşırı "oyanan” Derwent adlı bir kənd mövcuddur; bu kənd keçmişdə su altında qalmış və zaman-zaman yenidən görünən nadir məkanlardan biridir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər