"Wagner” Özəl Hərbi Şirkətin fəaliyyəti ABŞ hakimiyyətini narahat edir. Dövlət Departamentinin müşaviri Derek Şolle Serbiyaya səfəri zamanı bildirib ki, bununla bağlı Vaşinqton onun fəaliyyətinin neytrallaşdırılması üçün iş aparır.
Qaynarinfo Rusiya mediasına istinadla
xəbər verir ki, Şolle vurğulayıb ki, "bu qrup həm Serbiyada, həm də dünyanın digər ölkələrində əsgərlər cəlb edir", buna görə də Dövlət Departamenti "onların hərbi qüvvələrini zərərsizləşdirmək üçün Belqrad hökuməti ilə, eləcə də dünyanın qalan hissəsi ilə işləyir".
Bundan əvvəl "Politico” qəzeti diplomatik yazışmalardan əldə etdiyi məlumatlara istinadən yazıb ki, "ABŞ rəsmiləri Ukraynadan kənarda, o cümlədən Serbiya və Mərkəzi Afrika Respublikasında PMC-lərin hərəkətlərini və fəaliyyətlərini getdikcə daha çox izləyir”.
Ötən il dekabrın sonunda ABŞ Milli Təhlükəsizlik Şurasının kommunikasiyalar üzrə koordinatoru Con Kirbi Reuters agentliyinə bildirib ki, Vaşinqton KXDR-dən "Vaqner” qrupuna silah tədarükündən təşvişə düşüb. Şimali Koreya hakimiyyəti və Rusiya Xarici İşlər Nazirliyi bu ittihamları rədd edib.
Alpər
