Müğənni Afət Fərmanqızının həyat yoldaşı saxlanılıb.
Qaynarinfo xəbər verir ki, bu barədə müğənni özü sosial şəbəkədə məlumat yayıb.
Afət Fərmanqızı bildirib ki, Xəzər Rayon Polis İdarəsinin əməkdaşları səhər saatlarında həyat yoldaşını saxlayıb:
"Səbəb kimi göstərilir ki, Vaqif İsayev adlı şəxsi təhqir edib. Bu şəxsin həyat yoldaşıma 200 min dollar borcu var. Binanın sahibidir, 7 ildir ona deyir pulu qaytaracağam, amma qaytarmır. Həyat yoldaşım da əsəblərinə hakim olmayıb, onu təhqir edib”.
APA-nın əldə etdiyi məlumata görə, müğənninin əri Mamed Nanacanov vətəndaş Vaqif İsayevə hədə-qorxu gələrək ondan 200 min dollar tələb etməkdə ittiham olunur.
M.Nanacanov Cinayət Məcəlləsinin 182.1-ci (hədə-qorxu ilə tələb etmə) və 221.3 (xuliqanlıq) maddəsi ilə təqsirləndirilir. Məhkəmənin qərarı ilə onun barəsində həbs qətimkan tədbiri seçilib.
