Qurban Qurbanovun başçılıq etdiyi futbol üzrə Azərbaycan milli komandası Antalyada Kosovo yığması ilə yoldaşlıq görüşü keçirəcək.
Qaynarinfo xəbər verir ki, bu barədə AFFA-nın rəsmi saytında qeyd olunub.
Bildirilir ki, Türkiyənin Antalya şəhərində təşkil olunacaq təlim-məşq toplanışı çərçivəsində Azərbaycan milli komandasının fevralın 2-də Kosovo yığması ilə yoldaşlıq oyunu keçirməsi barədə AFFA və Kosovo Futbol Federasiyası arasında ilkin razılıq əldə olunub.
Qeyd edək ki, millimizin fevralın 2-də Gürcüstanla qarşılaşmalı idi. Amma Gürcüstan yığmasının Antalya toplanışı ləğv olunduğundan görüş baş tutmayacaq.
