"Atletiko Madrid"in türk ulduzu Arda Turanın zədəsi hələ sağalmayıb.
ANS PRESS-in xəbərinə görə, UEFA Çempionlar liqası dörddə-bir final oyunlarının aprelin 1-də baş tutan ilk görüşündə "Atletiko Madrid" - "Barselona" qarşılaşması olub. Arda Turanın matçın sonunda zədələnməsi azarkeşləri məyus edib.
Qasığında ikinci dərəcəli əzələ lifi yırtığı təsbit edilən Ardanın müalicəsinə davam edilir. "Atletiko Madrid" klubundan verilən məlumatda, Ardanın 2 liqa matçında və UEFA Çempionlar liqası yarım final oyunlarının ilk matçında forma geyinməyəcəyi gözlənilir.
Qeyd edək ki, ulduz futbolçunun aprelin 29-u, ya da 30-u keçiriləcək UEFA Çempionlar Liqasının revanş matçına çıxması planlaşdırılır.
