"Sosial
mediada şəkilləri ilə məşhurlaşan və duruşu ilə seçilən 19 yaşlı topçu əsgər Vüsal
Şahkərimov iki bacının bir qardaşıdır".
Bunu Qaynarinfo-ya açıqlamasında Xaçmaz rayon Qusarçay kənd orta məktəbinin direktor
əvəzi İbrahim İbrahimov deyib. Direktor bildirib ki, Vüsal Şahkərimov orta məktəbdə
davranışı ilə bütün şagirdlərdən seçilirdi:
"Məkətəbə
sinif yoldaşlarına münasibəti tam fərqli idi, qeyri-adiliyi vardi. Hərbi dərslərdə
ən aktiv şagird idi. Sinif yoldaşlarının da marağını məhz hərbiyə yönəldirdi.
Hamı telefonla maraqlanırdı, Vüsal isə hərbi dərslərlə... Boş vaxtlarını məktəbin
həyətində idman qurğularında keçirirdi. Tədbirlərdə vətənpərvər şeirlər
deyirdi".
İbrahim
müəllim deyir ki, Vüsalın ata-anası da torpaqla dolanan adamlardır:
"Ailənin
tək gəliri torpaqdır. Yanvar ayında əsgərlikdən qayıdacaq. Hazırda onunla bağlı
çəkilişlər olub. Babasına deyiblər ki, qələbədən sonra Vüsalı 10 günlük Türkiyəyə
istirahətə aparacaqlar".
İbrahim
müəllim onu da qeyd etdi ki, Vüsal ali məktəbə girmək istəyib, ancaq ailənin
maddi durumu çətin olduğundan onun arzusu hələlik ürəyində qalıb:
"İmtahan
verdi, ödənişli təhsilə düşdü. Ona da ailənin imkanı olmadı. Bu üzdən ali təhsil
ala bilməyib. Mən onun riyaziyyat müəllimi olmuşam. Şəkildən onun necə dərs
aldığı da hiss olunur. Əməyim boşa getməyib".
Bahar
Rüstəmli
