“Biz Ermənistanın iradəsinə hörmət edirik, lakin qeyd etməliyik ki, Ermənistanın Gömrük İttifaqına üzvlüklə bağlı qərarı bu ölkənin Avropa Birliyinə inteqrasiya və AB ilə əməkdaşlıq ambisiyalarını azaldır”.
APA-nın AB-nin mətbuat xidmətinə istinadən verdiyi məlumata görə, bu sözləri quruma sədrlik edən Litvanın xarici işlər naziri Linas Linkeviçyus Ermənistanın xarici işlər naziri Edvard Nalbandyanla görüşündə deyib.
Sentyabrın 7-də Vilnüsdə keçirilən görüşdə L. Linkeviçyus bu məsələ ilə bağlı məsləhətləşmələrin davam etdirilməsinin vacibliyini vurğulayıb. Onun fikrincə, Ermənistan “Şərq tərəfdaşlığı” proqramında iştirak etdiyi 5 il ərzində əldə etdiklərini itirməməlidir və gələcəyə baxmalıdır. E. Nalbandyan isə Ermənistanın bu proqramda fəal iştirakını davam etdirmək istədiyini söyləyib. Qaynar.info
