Avropalıların əksəriyyəti müharibədə iştirak etmək üçün Ukraynaya ordularının göndərilməsinin əleyhinədir.
Qaynarinfo xəbər verir ki, bu, Avropa xarici əlaqələr şurasının (ECFR) çərşənbə günü, iyulun 3-də dərc etdiyi sorğunun nəticələrindən
görünür.
Sorğuda iştirak edən müxtəlif Aİ ölkələrinin vətəndaşlarının 54%-dən (İsveç) 90%-ə qədəri (Bolqarıstan) bunun əleyhinədir.
Milli orduların Ukraynaya göndərilməsinin ən çox tərəfdarları İsveç vətəndaşları arasındadır - 26%, sorğuda iştirak edənlərin arasında ən az Yunanıstan vətəndaşlarıdır - 4%.
Sorğuda iştirak edən müxtəlif Aİ ölkələrinin vətəndaşlarının 74%-dən (Estoniya) 24%-ə (Bolqarıstan) qədəri müttəfiqlərin Ukraynaya hərbi dəstəyi artırılmasını dəstəkləyirlər. 63% (Bolqarıstan) və 16% (Estoniya və İsveç) bunun pis fikir olduğunu düşünür.
ECFR sorğusunda iştirak edən 14 ölkədən altısında respondentlərin 50%-dən çoxu hərbi yardımın artırılmasını dəstəkləyir:
Estoniya - 74%;
İsveç - 66%;
Polşa - 66%;
Böyük Britaniya - 59%;
Niderland - 58%;
Portuqaliya - 57%.
Sorğuda iştirak edən üç Avropa ölkəsinin vətəndaşlarının 50%-dən çoxu Ukraynaya hərbi yardımın artırılmasının əleyhinədir:
İtaliya (53%);
Yunanıstan (54%);
Bolqarıstan (63%).
Nizami Bağırov
