Bukmeker kontorları İtaliyanın Turin şəhərində keçiriləcək və şüarı "The sound of beauty" ("Gözəlliyin səsi") olan "Avroviziya-2022" mahnı müsabiqəsində kimin qalib ola biləcəyi ilə bağlı proqnozu yeniləyiblər.
Bu barədə Qaynarinfo müsabiqənin rəsmi saytı olan eurovisionworld.com-a istinadən xəbər verir.
Yenilənmiş proqnoza görə, Ukrayna lider olaraq qalır. "Kalush Orchestra” kollektivi 41% ehtimalla qalib gələcəyi proqnozlaşdırılır.
İkinci yerdə Mahmood və Blanco dueti "Brividi” treki ilə çıxış edəcək İtaliya (16%), üçüncü yerdə isə İsveç (11%) qərarlaşıb. İsveç, Komelia Yakobsun ifa etdiyi "Hold Me Closer” mahnısı ilə təqdim olunacaq. Dördüncü yeri Böyük Britaniya təmsilçisi (6%), beşinci yeri isə İspaniya (4%) tuta bilər.
İlk səkkizlik belə formalaşıb
Xatırladaq ki, "Avroviziya-2022" mahnı müsabiqəsinin yarımfinal mərhələləri may ayının 10 və 12-də, final mərhələsi isə mayın 14-də "PalaOlimpico"da baş tutacaq.
Azərbaycanı İtaliyanın Turin şəhərində "Səs Azərbaycan" müsabiqəsinin qalibi, ifaçı Nadir Rüstəmli təmsil edəcək. O, mayın 12-də baş tutacaq ikinci yarımfinalda yarışacaq.
