Avropada əhali üçün elektrik enerjisi ən bahalı olan ölkə Danimarkadır.
APA-nın məlumatına görə, bu nəticəyə «RİA-Rating» agentliyinin ekspertləri gəliblər.
Belə ki, Danimarkada əhali üçün 1 kVt/saat enerjisinin qiyməti 31,6 qəpik təşkil edir. Elektrik enerjisinin bahalığına görə tərtib olunan reytinqdə sonrakı yerləri Almaniya (30,8 qəpik) və Kipr (29,1 qəpik) tutub. Ən ucuz elektrik enerjisi isə Ukrayna (2,7 qəpik), Belarus (4,6 qəpik), Qazaxıstan (5,3 qəpik) və Azərbaycandadır (6 qəpik).
Qeyd edək ki, Rusiyada 1 kVt/saat elektrik enerjisinin qiyməti 6,2 qəpik, Türkiyədə 15,5 qəpik təşkil edir.
Qaynar.info
