Təl-Əvivdə keçirilən "Böyük Dəbilqə" turnirinin birinci günü 3 idmançıyla yarışan cüdoçularımız mübarizələrinə yekun vurdular.
Qaynarinfo xəbər verir ki, -66 kq çəkidə yarışan cüdoçumuz Yaşar Nəcəfov əzmlə mübarizə apararaq finala yüksəlib və nəticədə gümüş medal qazandı.
-60 kq çəkidə yarışan Kəramət Hüseynov möhtəşəm performans göstərək bütün rəqiblərini geridə qoymasına baxmayaraq yarımfinal uğrunda görüşdə qazaxıstanlı rəqibindən xal hesabı fərqilə irəlidə olduğu halda qəfil zədələnərək həkimlərin məsləhətilə yarışdan kənarlaşmalı oldu.
-60 kq çəkidə yarışan Balabəy Ağayev isə təsəlliverici görüşdə rəqibinə məğlub olaraq yarışı dayandırdı.
Digər çəki dərəcəsində yarışan idmançılarımız isə növbəti iki gündə medallar uğrunda tatamiyə çıxacaqlar.
