Azərbaycan millisinin futbolçusu Toğrul Erat yeni keçdiyi Almaniyanın "Duysburq" klubunda oyuna çıxıb.
Qaynarinfo.az xəbər verir ki, 3-cü Liqa təmsilçisi Mönxenqladbax "Borussiya"sının 23 yaşadək komandası ilə keçirdiyi yoxlama oyununda 7:0 hesablı qələbə qazanıb. Erat bu görüşdə start heyətdə meydanda olub və 66-cı dəqiqədə yerini Almaniya doğumlu türk futbolçu Ahmet Enginə verib.
31-ci dəqiqədə hesabın 2:0 olmasında onun da rolu olub. Belə ki, onun zərbəsini qapıçı Tim-Oliver Himer qaytarsa da, rus futbolçu Stanislav İlyuşenko qayıdan zərbəni qola çevirib.
Qaynarinfo.az
