Türkiyənin “Barem” araşdırma mərkəzi və “WİN Gallup İnternational” beynəlxalq sorğu şirkəti dünyanın müxtəlif ölkələrində 66 minə yaxın şəxsin rəyini öyrənib. Təşkilatçılar respondentlərdən dindar olub-olmadıqlarını soruşublar.
Azərbaycan 67 ölkə arasında 53-cü sıradadır: sorğuya qatılan azərbaycanlı respondentlərin 35%-i dindar olduğunu bildirib.
Sorğuya əsasən, ən dindar adamlar Tailandda yaşayır. Novator.az-ın məlumatına görə, bu ölkədə respondentlərin 98%-i dindar olduğunu bəyan edib.
İkinci yerdə Nigeriya (97% özünü dindar sayır) gəlir.
Hindistanda əhalinin 94%-i özünü dindar sayır.
Pakistanda əhalinin 93%-i dindar olduğunu bildirib.
Ermənistanın göstəricisi 92%-dir.
İran 23-cü sırada yer alır: respondentlərin 77%-i dindar olduğunu bəyan edib.
Türkiyəlilərin 74%-i özünü dindar sayır.
Rusiyada özünü dindar hesab edənlər 61%, ABŞ-da 56%, Ukraynada 53%, Fransada 45%, İsraildə 39%, İspaniyada 37%-dir.
Almaniyada əhalilin 34%-i, Böyük Britaniyada 27%-i, Yaponiyada 13%-i özünü dindar sayır.
Sonuncu – 67-ci sırada Çin dayanır. Bu ölkədə respondentlərin 67%-i ateist olduğunu, 23%-i dindar olmadığını bildirib. Özünü dindar sayanlar 9%-dir. //Novator.az
Qaynar.Az
