Ötən gün axşam saatlarında Bakı metrosunun "İçəri şəhər" stansiyasında qorxulu hadisə yaşanıb.
Milli.Az xəbər verir ki, təxminən 3-4 yaşında oğlan uşağ anası ilə adıçəkilən stansiyanın eskalatoruyla platformaya düşərkən ayağı eskalatorun sol küncündə, aşağıdakı rezin qatla dəmirin arasına keçib. İlk öncə heç kəs bunun fərqində olmasa da, uşaq qəfil qışqırarkən dərhal yaxınlıqdakı insanlar uşağın ayağını dartıb çıxarmağı bacarıblar.
Körpənin anası uşağa nəzarət etmədiyi azmış kimi, üstəlik bu həyəcanlı hadisəyə görə azyaşlını şillələyib. Uşaq tez-tez anasına ayağının bərk ağrıdığını deyib.
Qaynarinfo.Az
