Babək prospektində görünməmiş tıxac yaranıb
Milli.Az xəbər verir ki, saat 19 radələrində Bakının Babək prospektində görünməmiş tıxac yaranıb.
Saytın hadisə yerində olan əməkdaşının verdiyi xəbərə görə, prospektin şəhərin mərkəzinə birləşən hissəsində hərəkət tamamilə iflic olub.
Tıxac o səviyyədədir ki, avtomobillər, demək olar ki, hərəkər etmir.
Tıxaca səbəb isə prospektdə baş verən yol-nəqliyyat hadisəsi olub. Qəzanın miqyası o qədər də böyük olmayıb. Belə ki, "Hyundai Elantra" markalı avtomobil "Hyundai Tucson" markalı maşını arxadan əzib. Hadisə zamanı maşınlara cüzi ziyan dəyib. Bunun xaricində ciddi xəsarət qeydə alınmayıb.
Qaynar.info
