Bakının Səbail rayonu ərazisində ağır yol qəzası baş verib.
Anspress-in məlumatına görə, Badamdar qəsəbəsi 47 ünvanında “Zil” markalı su daşıyan maşın dərəyə yuvarlanıb. Hadisə şahidlərinin verdikləri məlumata görə, qəza sürücünün avtomobili arxaya verdiyi zaman baş verib.
Təkərlərin altında qalan torpağın qəfildən sürüşməsi nəticəsində su maşını dərəyə aşıb. Su maşını yaxınlıqda yerləşən su çəninni doldurmaq məqsədilə əraziyə gəlibmiş. Hadisə zamanı su maşınında sürücüdən başqa heç kəs olmayıb. Xoşbəxtlikdən qəza zamanı xəsarət alan olmayıb.
Hadisə ilə bağlı araşdırma aparılır.
Qaynar.info
