"Düz 6 il bundan qabaq məktəbdə müəllmə işləmişəm. Ondan sonra bankda işlədim".
Xalidə Babayeva bir müddət əvvəl bankda xəzinədar, sonra məktəbdə informatika müəllimi işləyib. İndi isə taxsi sürücüsü kimi fəaliyyət göstərir. Deyir sürücülük əvvəl onun üçün çətin olsa da, indi öhdəsindən layiqincə gəlir. Şəhəri də yaxşı tanıyır. Qazancdan da narazı deyil.
Xalidə xanım bildirir ki, bir neçə il öncə həyat yoldaşından ayrılıb. Hazırda ailənin bütün xərcini özü qarşılayır, hətta tələbə övladının təhsil haqqını da özü ödəyir.
Özünü həm zərif, həm də güclü qadın hesab edən sürücü xanım, həyatın bütün çətinliklərinə sinə gərməyi bacarıb.
