ABŞ prezidenti ilə Kuba prezidentinin ələ-ələ görüşməsi jurnalistlərin diqqətindən yayınmayıb
Cənubi Afrika Respublikasının eks prezidenti Nelson Mandelanın dəfn mərasimində ABŞ prezidenti Barak Obama Kuba prezidenti Raul Kastro ilə görüşüb. ANS PRESS-in “Komsomolskaya pravda” qəzetinə istinadən verdiyi xəbərə görə, ABŞ prezidenti ilə Kuba prezidentinin ələ-ələ görüşməsi Reuters agentliyinin diqqətindən yayınmayıb.
Xatırladaq ki, Nelson Mandelanın dəfn mərasiminə 91 ölkənin prezidenti və baş naziri, 10 eks prezident gəlib. Ümumilikdə isə bu mərasimdə xarici ölkələrdən gələn 100 nəfər iştirak edir.
Qeyd edək ki, Nelson Mandela dekabrın 5-də 95 yaşında dünyasını dəyişib.
