Çempionlar Liqasında qrup mərhələsinin II turunda "Benfika"ya məğlub olan "Barselona" (0:3) yeni antirekorda imza atıb.
Qaynarinfo xəbər verir ki, bu yenilgi ilə Kataloniya təmsilçisi avrokuboklara uğursuz start üzrə öz antirekordunu təkrarlayıb.
Buna qədər komanda 1972/1973-cü illər mövsümündə avrokubokların startında iki dəfə məğlub olmuşdu. Həmin vaxt UEFA Kubokunun 1/32 final mərhələsində "Portu" ilə hər iki matçda katalon klubu məğlubiyyətə uğramışdı (1:3, 0:1).
E qrupunda mübarizə aparan xalsız "Barselona" hazırda sonuncu pillədədir. 6 xala sahib "Bavariya" birinci, 4 xalla "Benfika" ikinci, "Dinamo" isə 1 xalla üçüncü yerdədir.
Səbuhi Həsənov
