Dortmund “Borussiya”sının baş məşqçisi Tomas Tuxel Çempionlar Liqasının qrup mərhələsində Polşanın “Leqiya” klubu ilə oyundan (8:4) sonra maraqlı açıqlama verib.
Qaynarinfo.Az xəbər verir ki, o, müdafiəçilərinin səhvi sayəsində 4 qol buraxan komandanın qapıçısı Roman Vaydenfellerdən üzr istəyib:
“Müdafiəçilərin səhvinə görə Romandan üzr istəyirəm. Onun çempionat oyununda daha yaxşı çıxış edəcəyinə inanıram” – deyə baş məşqçi bildirib.
Qeyd edək ki, komandanın əsas qapıçısı Roman Bürki zədəli olduğu üçün “Leqiya” ilə oyunda qapını 36 yaşlı Roman Vaydenfeller qoruyub.
Qaynarinfo.Az
