Amerika lideri Co Bayden Fransada Ukrayna prezidenti Volodimir Zelenski ilə görüşü zamanı Ukraynaya yeni hərbi yardım paketinin ayrıldığını açıqlayıb. Söhbət 225 milyon dollarlıq silahlardan gedir.
Bu barədə Qaynarinfo CNN-nin müxbirinə istinadən xəbər verir.
"Bayden Ukraynaya 225 milyon dollarlıq yeni yardım paketini açıqladı və bunun üçün Zelenski ona təşəkkür etdi”, - CNN müxbiri Nataşa Bertrand yazıb.
Media həmçinin Baydenin Ukraynaya silah qəbulunda aylarla gecikdiyinə görə üzr istədiyini yazıb.
Qeyd edək ki, ABŞ-ın yeni yardımı, medianın məlumatına görə, aşağıdakıları əhatə edəcək:
HIMARS raket artilleriya sistemləri üçün döyüş sursatı;
minaatan sistemləri və artilleriya mərmiləri;
HAWK hava hücumundan müdafiə sistemləri üçün raketlər;
Stinger zenit raketləri;
Javelin və AT-4 tank əleyhinə sistemləri;
155 mm-lik haubitsalar;
zirehli maşınlar;
patrul qayıqları;
partlayıcı maddələr və əlavə ehtiyat hissələri.
Nizami Bağırov
