Tokio-2020 Yaya Paralimpiya Oyunlarında idmançılarımız mübarizəni davam
etdirir.
Qaynarinfo
xəbər verir ki, bu gün çıxış edəcək 4 paralimpiyaçımızdan 3-ü növbəti
yarışlarını keçirib.
Parataekvondoçumuz Əbülfəz Abuzərli (K44) -75 kq çəki dərəcəsində ilk təsəlliverici görüşdə
ukraynalı rəqibinə qalib gəlib.
Bir neçə gün öncə üzgüçülük idmanının brass kateqoriyası üzrə
yarışda qızıl medalı boynundan asan Vəli İsrafilov (S12) 100 metr butterfly
kateqoriyasının təsnifat mərhələsində 1:10:59 nəticə göstərərək mübarizəni
dayandırıb. Digər üzgüçümüz Raman Saleh (S12) isə eyni mərhələdə 58.99 saniyəlik
nəticə göstərərək final mərhələsinə vəsiqə qazanıb.
Atletika idman növü üzrə idmançımız Samir Nəbiyev (F57) nüvə
itələmə kateqoriyasında yarışacaq. O Bakı vaxtı ilə saat 14:08-də mübarizəyə
qoşulacaq.
Səbuhi Həsənov
